Qamashi tumanidagi 2-sonli Sport maktabida O‘zbekiston kasaba uyushmalari harakatining 120 yillik bayramiga bag‘ishlangan shaxmat musobaqasi o‘tkazildi. “O‘zbekiston kasaba uyushmalari Federatsiyasi kubogi” uchun tashkil etilgan mazkur bellashuvda tumandagi maktablarda faoliyat yuritayotgan kasaba uyushmalari a’zolari ishtirok etdi. Musobaqa g‘olib va sovrindorlari Qamashi tuman kasaba uyushma bo‘linmasi kengashi  tomonidan esdalik sovg‘alari bilan taqdirlandi. Tadbir maktab jamoalaridagi kasaba uyushma faollari o‘rtasida sog‘lom turmush tarzini targ‘ib qilish, ularni sportga jalb etish va o‘zaro hamkorlikni mustahkamlash maqsadida o‘tkazildi.