Korxona, tashkilot va muassasalarda faoliyat ko‘rsatayotgan ishchi-xodimlar o‘rtasida sog‘lom turmush tarzini targ‘ib qilish, ishchi-xodimlarni jismoniy tarbiya va sportga jalb etish, bo‘sh vaqtlarini mazmunli o‘tkazish, sport-sog‘lomlashtirish tadbirlari orqali salomatligini mustahkamlash maqsadida 1-oktabr “O‘qituvchi va murabbiylar kuni “ munosabati bilan O‘zbekiston ta’lim va fan xodimlari kasaba uyushmasi Shahrisabz shahar boshlang‘ich kasaba uyushma tashkilotlarida faoliyat ko‘rsatayotgan maktabgacha ta’lim tashkilotlari ishchi- xodimlari o‘rtasida 2022-yilning 24-sentabr kuni Shahrisabz shahridagi 15-umumiy o‘rta ta’lim maktabida “Salomatlik” shiori ostida xodimlar spartakiadasi o‘tkazildi.
Sport musoboqalari nizomga muvofiq, sportning voleybol, shaxmat, shashka, darts turlari bo‘yicha o‘tkazildi. O‘zida sog‘lom turmush tarzini targ‘ib etib, ayniqsa, xodimlarning, sport bilan bandligini ta’minlash g‘oyasini jo aylagan ushbu musobaqa murosasiz bahslarga boy bo‘ldi. Spartakiadada 350 nafarga yaqin ishtirokchilar qatnashdi.
Qizg‘in sport kurashlari ostida o‘tgan musoboqalarning shaxmat bahslarida 1-o‘rinni 9-davlat maktabgacha ta’lim tashkiloti tarbiyachisi Jabborova Mukarram, 2-o‘rinni 17- davlat maktabgacha ta’lim tashkiloti tarbiyachisi Hamidova Ra’no, 3-o‘rinni 2- davlat maktabgacha ta’lim tashkiloti tarbiyachisi Po‘latova Zulfiya, shashka bahslarida 1-o‘rinni 4- davlat maktabgacha ta’lim tashkiloti tarbiyachisi Xolmurodova Mavjuda, 2-o‘rinni 17- davlat maktabgacha ta’lim tashkiloti tarbiyachisi Qiyomova Madina, 3-o‘rinni 26- davlat maktabgacha ta’lim tashkiloti tarbiyachisi Qudratova Madina, Voleybol bahslarida 1-o‘rinni 27-davlat maktabgacha ta’lim tashkiloti jamoasi, 2-o‘rinni 25-davlat maktabgacha ta’lim tashkiloti jamoasi, 3-o‘rinni 10-davlat maktabgacha ta’lim tashkiloti jamoasi egallashdi. Darts bahslarida 1-o‘rinni 13-davlat maktabgacha ta’lim tashkiloti tarbiyachisi Nuriddinova Mehriniso, 2-o‘rinni 15-davlat maktabgacha ta’lim tashkiloti tarbiyachisi Muhammadieva Svetlana , 3-o‘rinni 27-davlat maktabgacha ta’lim tashkiloti tarbiyachisi Umarova Norxollar egalladi.
Spartakiada yakunida faxrli o‘rinlarni egallagan xodimlarga O‘zbekiston ta’lim va fan xodimlari kasaba uyushmasi Shahrisabz shahar bo‘linmasi kengashining “Faxriy yorliq” va esdalik sovg‘alari topshirildi.
