O‘zbekiston kasaba uyushmalari Federatsiyasi Kengashitomonidan tashkil etilgan “Eng mas’uliyatli yosh ish beruvchi” hamda “Mehnat muhofazasi va xavfsizligi bo‘yicha jamoatchilik nazoratini tashkil etish yuzasidan respublika ko‘rik-tanlovining Qashqadaryo viloyat bosqichida Transport, yo‘l va kapital qurilish, qurilish industriyasi xodimlari kasaba uyushmasi tizimida 1-o‘rinni egallagan ishtirokchilar tanlovning respublika bosqichida ham ishtirok etishib faxrli o‘rinlarga ega bo‘lishdi. Jumladan, tarmoq viloyat kasaba uyushmasi tizimidagi G‘uzor qurilish va kommunal xo‘jaligi kasb-hunar kolleji ish beruvchisi Karimov Eldor “Eng mas’uliyatli yosh ish beruvchi” tanlovining respublika bosqichida 3-o‘rinni egalladi.  “Mehnat muhofazasi va xavfsizligi bo‘yicha jamoatchilik nazoratini tashkil etish bo‘yicha o‘tkazilgan tanlovning respublika bosqichida 2-sonli maxsus mexanizatsiyalashgan kuchma jamlanma kasaba uyushma qo‘mitasi 3-o‘rin g‘olibi bo‘ldi. Yaqinda mazkur tanlov ishtirokchilariga tarmoq kasaba uyushmasi Respublika Kengashi tomonidan tashkil etilgan maxsus diplomlar va esdalik sovg‘alari topshirildi.