Joriy yilning 22 sentabr kuni Qarshi davlat universitetida O‘zbekiston Respublikasi mustaqilligining 31 yilligi munosabati bilan “Yangi O‘zbekistonda el aziz, inson aziz” mavzusida insholar tanlovi bo‘lib o‘tdi.

Universitet xodimlari va talabalari kasaba uyushma qo‘mitasi hamda Yoshlar bilan ishlash, ma’naviyat va ma’rifat bo‘limi hamkorligida tashkil etilgan tanlov fakultetlardan saralab olingan 50 ga yaqin talabalar o‘rtasida bir bosqichli shaklda o‘tkazildi.

Tanlovda g‘oliblikni qo‘lga kiritgan talaba-yoshlar universitet xodimlari va talabalari kasaba uyushma qo‘mitasi tomonidan esdalik sovg‘alari bilan taqdirlanadi. Tez orada g‘oliblar haqida ma’lumot beriladi.